Fyrstu dagar í nýrri íbúð.

Jæja,þá er maður búinn að vera hér í nokkra daga og reyna að koma íbúðinni í stand en þónokkur vinna er eftir í því efni og tekur bara sinn tíma.

Þegar ég fór að skoða þessa íbúð fannst enginn símtengill og svo eftir fluttningana þegar við vinirnir fórum að leita fannst heldur enginn tengill svo að hringt var í Félagsviðgerðir og í sameiningu fannst tengillinn,reyndist hann þá vera lítill grár kassi en nýtt system en hvernig í fjáranum átti ég að vita það?

En semsagt síminn og talvan eru vel tengd svo nú get ég farið að segja mínar skoðanir aftur en mun gæta sanngirni og hafa heimildir fyrir því sem ég fárast út í hverju sinni,ég vonast til að ég geti átt skynsöm skoðanaskipti við fólk sem er mér ekki sammála í kommentakerfinu.

Ég komst ekki að í tónlistarskóla í vetur og er eiginlega feginn því því ég verð ekki á landinu í desember(verð hjá pabba í bandaríkjunum um jólin og kem aftur milli jóla og nýárs)svo að ég verð bara áfram í Fjölmennt og syng með bandinu mínu.

Ég ætla að setja inn nýja könnun og nú eru það íslenskar hljómsveitir sem eru fyrir valinu og sem fyrr þá vonast ég eftir þátttöku ykkar en því fleiri sem kjósa því marktækari verður könnunin, en samkvæmt seinustu könnun greiddu 74 atkæði og þar sigraði Ellý Vilhjálms með 39,2 % en nóg í bili,meira síðar.

                                   KV:Korntop

Sæl öll.

Komið þið sæl öll bæði bloggvinir og aðrir lesendur,þá er komið að því að segja hvað á daga mína hefur drifið síðasta hálfa mánuðinn og rúmlega það.

Þann 8 ágúst hittumst við nokkrir vinir m ínir í Yrsufelli 5 og pökkuðum hlutum í kassa og bárum í bíla ásamt ógrynni af pokum en þetta var gert til að þungafluttningarnir gætu farið fram á sunnudeginum sem gekk eftir og gengu vel og var nánast allt dótið komið hér á Írabakkann á sunnudeginum en þó voru nokkrir hlutir eftir í svefnherberginu og notaði ég mánudag og þriðjudag(afmælisdaginn minn)eða part af þeim til að koma því í poka en fimmtudaginn 16 ágúst komu vinir mínir aftur á 2 bílum og kláruðum við að flytja og það sem var enn betra,þrifum íbúðina og á þriðjudeginum var lyklunum skilað í Félagsbústaði.

Síðan höfum við hist hér og reynt að koma hlutum fyrir og gengur það bara fínt,það tekur ca hálfan mánuð að koma öllu fyrir eins og ég vil hafa það en þeir sem hafa hjálpað mér að flytja hafa sumir hverjir verið búnir á því sérstaklega líkamlega enda margir vina minna í þéttari kantinum þó ég sé þéttastur en grínlaust,án allra vina minna hefði þetta aldrei gengið upp og færi ég þeim mínar bestu þakkir fyrir.

Ég fór á afmælistónleika Kaupþings á laugardalsvelli og voru þeir hreint út sagt frábærir nema hvað mér þóttu Stuðmenn helst til daprir í þetta skiptið en þeir voru með tilraunastarfsemi sem gekk einfaldlega ekki upp en þeir gera mistök eins og aðrir en er fyrirgefið enda frábær hljómsveit á ferðinni.

Sá flugeldasýninguna á menningarnótt og þvílík hörmung ekki orð um það meir.

En nóg komið í bili,meira síðar.

                            KV:Korntop

Loksins tengdur.

Sælir kæru bloggvinir og aðrir lesendur,bara láta vita að ég er kominn í samband eftir fluttningana á Írabakkann og blogga á morgunn eitthvað en ég vil þó nota tækifærið og þakka ykkur fyrir þátttökuna í skoðanakönnuninni.

Einnig vil ég votta Röggu bloggvinkonu mínar dýpstu samúðarkveðjur vegna láts sonar hennar,GUÐ veri með þér Ragga mín.

                                     KV:Korntop

Ný könnun.

Þá er komið að nýrri könnun og nú eru það besta söngkonan sem er valið um og sem fyrr þá vonast ég eftir góðri þátttöku ykkar bloggvinir og lesendur góðir,tekið skal fram að nöfn geta gleymst en þá greiðið þið viðkomandi atkvæði í commentakerfinu.
Þessi könnun verður eitthvað framyfir helgi en vegna fluttninga verð ég örugglega ekki nettengdur aftur fyrr en seint í næstu viku.
                                     KV:Korntop

Skoðanakönnun.

Var að setja inn skoðanakönnun um það hver sé besti karlsöngvari íslands fyrr og síðar,mjög áhugaverð könnun en margir hafa skorað á mig að koma með þessa könnun og við því hef ég nú orðið svo endilega kæru bloggvinir og aðrir sem þetta blogg lesa,endilega takið þátt og segið ykkar skoðun,því fleiri sem taka þátt því marktækari er könnunin.
                                     KV:Korntop

Stuðmenn.

Þar sem ég gaf frí yfir helgina frá undirbúningi fluttninganna á Írabakkann þá ætla ég að skella mér á tónleika með Stuðmönnum,Shady Owens ofl í Fjölskyldu og húsdýragarðinum í kvöld og hefjast þeir kl 20´30.

Ætla ekki allir þangað?
                                  KV:Korntop

flutningur.

Vegna flutninga og undirbúnings við það verður síðan meira og minna í lamasessi en stefnt er að flytja n.k föstudag og verður því ekki bloggað frá nýja staðnum fyrr en eftir næstu helgi.

Hafið það gott um þessa verslunarmannahelgi elskurnar og gangið hægt inn um gleðinnar dyr og í guðanna bænum hagið akstri við aðstæður og komum heil heim.
                                KV:Korntop

Leiði.

Er kominn með pínu bloggleiða,blogga kanski eitthvað yfir helgina en undirbúningur við fluttninga tekur allann tíma manns en sjáum til.
En kanski verður þessari síðu gefið frí eða kanski lokað alveg.

                              KV:Korntop