Búinn á því.

Dagurinn í gær var annasamur svo ekki sé nú meira sagt,en í gærkvöldi voru rokktónleikar á Domo og þar spiluðu hljómsveitirnar Plútó og Hraðakstur bannaður auk þess sem Dúó Aileenar og Ágústu og Linda Rós Pálmadóttir tróðu upp með sitt lagið hvort og gengu þeir vægast sagt frábærlega en undirbúningur fyrir þá var líka mikill og lenti nánast allt á mínum herðum og kvarta ég ekki undan því.
Ljóst var líka á öllu að báðum böndum hefur farið mikið fram og var gaman að hlusta á Plútóstelpurnar sem verða bara betri ef eitthvað er,okkur í Hraðakstrinum gekk líka vel og verður þetta rokkband sífellt þéttara og betra og er það vel.

Fyrst var það útvarpsviðtal hjá Guðna Má í Popplandi á Rás 2 og gekk það svona líka vel,svo lá leiðin á BK til að fóðra sig og ná upp smá slökun,um 5 leytið hringdi Soffía(kona Stjána stuð)og boðaði forföll fyrir hann svo að kynningin lenti líka á mér en ég lét Ágústu kynna mína hljómsveit þannig að því var reddað,ljóst er að það er bjart framundan í söngvalist fatlaðra sem og oðrum listformum.
Þegar ég kom heim í gærkvöldi var ég gjörsamlega búin á því og þegar þetta er skrifað er ég enn ekki nema með 1/4 úr tank en það kemur.

Ekki meira að sinni,meira síðar,eigið góðan dag elskurnar og gerið allt sem ég myndi gera.
                                  KV:Korntop

Athugasemdir

[Ásthildur Cesil Þórðardóttir, 9.5.2007 kl. 10:58]

Nóg að gera hjá þér ljúfurinn.  Mundu að hlaða tankinn svo þú brennir ekki út. 

[Ólafur fannberg, 9.5.2007 kl. 14:25]

innlitskvittun

[Sveinn Hjörtur , 9.5.2007 kl. 14:58]

Kvitt fyrir lesningu.

 Kveðja,

[Alvilda Gunnhildur Magnúsdóttir (IP-tala skráð) 9.5.2007 kl. 20:18]

Það er frábært að heyra að það er svona mikil gróska í tónlistinni hjá fötluðum. Mér finnst þetta bara frábært og endilega haldið þessu áfram.

[Jórunn Sigurbergsdóttir , 9.5.2007 kl. 21:35]

Gaman að allt gekk upp.