Helgin.

Helgin var fín eins og við var að búast en þó voru nokkrir dökkir blettir á henni eins og oft vill verða.

Byrjum á fimmtudagskvöldinu en þá var Landsþing Þroskahjálpar sett á Grandhótel og var mjög fínt Graduelakór Langholtskirkju söng og haldnar voru ræður þar sem m.a. Jóhanna Sigurðardóttir (Félagsmálaráðherra)talai auk Gerðar Árnadóttur(Formanns Þroskahjálpar),einnig voru veitt heiðursmerki samtakanna og þar fékk Ína Valsdóttir(Formaður Átaks,félags fólks með þroskahömlun)heiðursmerki fyrir vel unninn störf og átti hún það svo sannarlega skilið.

Á föstudeginum hitti ég Ottó vin minn á BK sem var áð láta mig fá pakka sem keypti handa mér í Manchester og sagði að ég yrði að halda með Manchester United,ég hélt nú ekki,sagðist halda með Notthingham Forest eins og ég hef gert í 30 ár,þaðan var haldið á aukaæfingu í Hraðakstur bannaður fyrir spilamenskuna kvöldið eftir og þaðan var haldið í íþróttahúsið Austurberg þar sem ÍR og Selfoss léku en ég var skrifari á leiknum (en pistil um hann má sjá hér neðar á síðunni)

Á laugardeginum slappaði ég af við að horfa á landsleiki í sjónvarpinu og sérstaklega var ég spenntur fyrir leik Íslands og Lettlands og þvílíkur hörmungarleikur sem strákarnir buðu uppá,sérstaklega var fyrri hálfleikurinn alger hörmung en skánaði aðeins í fyrri hálfleik,það bjartasta við leikinn var að Eiður Smári Guðjohnsen bætti markamet Ríkharðs Jónsonar um 2 mörk(Úr 17 í 19)en annars var þessi leikur skelfilegur,síðan sóttu konan mín og Ína mig og var haldið í hátíðarkvölverð landsþingsins og skemmtum okkur vel,m.a fór ég upp á svið og tók mitt búmer á Þroskahjálparþingum og uppákomum en það er Delilah og spilaði Halldór Gunnarson undir á píanó,Veislustjóri var Guðbjartur Hannesson(þingmaður Samfylkingar í Norðvesturkjördæmi)og ræðumaður kvöldsins var Jón Bjarnason(Þingmaður Vinstrigrænna í sama kjördæmi)og fóru hamförum báðir tveir.

Svo hófst spilamenskan og byrjuðu Plútóstelpurnar en ekki þurfti ég að syngja með þeim því prógramm beggja varð að stytta um 15 mín hjá báðum böndum því dagskráin á hátíðarkvöldverðinum fór hálftíma fram úr áætlun.

Þegar röðin kom að okkur í Hraðakstrinum gekk allt á afturfótunum, magnarinn hjá Rósu kennara(Gestafiðluleikari)slokknaði,fótstigið fór af trommusettinu og til að bæta gráu ofan á svart þá slokknaði ljósið sem undirleikarar hafa en allt reddaðist þetta nú og við komum öllum 5 nýju lögunum að sem var það sem ég lagði áherslu á en svona bilanir gerast og ekkert við því að gera,við stóðum okkur þó með sóma eins og Plútó.

Í gærkvöldi horfði ég á mitt uppáhalssport,Amerískan ruðing(NFL) og í dag er ég aftur kominn með þessa pest sem ég var með í seinustu viku en ég var búinn að ákveða að spila veikur ef svo færi því við spilum ekki það oft og nú er bara að fá sig endanlega góðan því ég má eiginlega ekki vera að því að vera veikur.

Svona var helgin hjá mér elskurnar,góð en ekki áfallalaus.
                                        KV:Korntop.

Athugasemdir

[Ragnheiður , 15.10.2007 kl. 18:55]

Það hefur verið þéttskipuð dagskrá hjá þér um helgina, leitt að það gekk ekki 100% en það er sama. Verra með þessa pest...farðu nú extra varlega til að ná þessu úr þér.

[Birna Dis Vilbertsdóttir (IP-tala skráð) 15.10.2007 kl. 19:54]

Það er greinilega nóg að gera hjá þér. Mér þykir þið góðir að koma frá ykkur 5 lögum með allt þetta bilirí. Góðan bata.

[Katrín Ósk Adamsdóttir, 15.10.2007 kl. 20:09]

Það er ekki hægt að segja annað að það hafi orðið mikið úr verki hjá þér um helgina og ég held að það sé komin tími á að skella sér á ÍR leik en það er orðið langt síðan að ég skrapp síðast

[Sunna Dóra Möller, 15.10.2007 kl. 20:52]

Farðu vel með þig til að þú náir þessu úr þér almennilega

[María Anna P Kristjánsdóttir, 16.10.2007 kl. 11:52]

Helgin hefur ekki verið átakalaus hjá þér,en hefur örugglega verið skemmtileg þrátt fyrir smá óhöpp.

[Pétur (IP-tala skráð) 16.10.2007 kl. 12:02]

Þú ert á ferð og flugi,ertu á einhverju,alveg ótrúlegur dugnaður í þér alltaf Maggi minn.

[Magnús Paul Korntop, 16.10.2007 kl. 12:07]

Takk stelpur mínar fyrir góðar batakveðjur.

Pétur.Nei,ég er ekki á neinu en þessi helgi var erilsöm eins og þú last líklega.

Já,náðum 7 lögum miðað við allt bileríið.