AAAAAAARRRRRRRGGGGGGGHHHHHHH.

Nú fer ég að verða leiður á þessum pestum sem hér ganga

Ég er semsagt orðinn  einu sinni enn en ég hef verið hnerrandi og með nefrennsli síðan seinni partinn í dag en ætla þó samt að mæta til vinnu og sjá hvern ig það gengur,nú ef ekki þá fer ég bara heim og beint í rúmið en vonandi er þetta ekki langvinnur djöfull en ég virðist ótrúlega naskur í að næla mér í allskyns pestir því þetta er sú 3/5 svo að fólk getur gert sér í hugarlund að maður sé ekki búinn að fá yfir sig nóg af þessu,það hef ég allavega.

Og nú hefur hálsbólgudjöfull bæst í hópinn og var það nú ekki á það bætandi.

 

Er það málið?

Hef verið að velta fyrir mér ásamt fleirum svona í aðdraganda jóla hvort það gæti verið að Jesús hafi verið brúnn en ekki hvítur.

Þessu kasta ég hér fram því að menn hafa verið að tala um þetta nokkrum sinnum og sérstaklega vegna þess að í ísrael er fólk ekki beint hvítt heldur svona brúnleitir en að hann hafi verið gerður hvítur til að sýna yfirburði hvíta mannsins.

Ég vil meina að í rauninni hafi Jesus Kristur verið brúnn en ekki hvítur og það skyldi þó aldrei vera?

Flottur dagur.

Það var góður dagur í gær enda í nógu að snúast eins og venjulega þegar  ég á í hlut enda aldrei lognmolla í kringum mig eins og bloggvinir vita.

Þetta byrjaði allt klukkan 1 í kringlunni en þar hitti ég Ottó og fengum við okkur að borða en vá hvað það var mikið af fólki þarna,ég hélt að það væru fáir á Stjörnutorgi á þessum tíma en svona er þetta bara.

Klukkan 2 hittum við Aileen en Ottó og hún keyptu jólagjafir í Skífunni sem við skiptumst á um næstu helgi og þar hitti ég Ólöfu Jónsdóttur bloggvinkonu og mikið lítur hún vel út og töluðum við saman í smátíma en það var gaman að hitta hana þarna,en fólksfjöldinn var slíkur að halda hefði mátt að það væri Þorláksmessa en ekki 12 desember,ótrúlegt en jæja,hvað um það?Áfram með smjörið,klukkan 15´30 var ég sóttur og farið með mig í sturtu og þaðan var haldið í Grensáskirkju á jólatónleika Fjölmenntar sem gengu mjög vel og mér frábærlega en þarna voru möprg góð atriði á ferðinni og enduðum á því að allir sungu saman Bjart er yfir Betlehem en breytt var um lag á síðustu stundu en upphaflega átti að syngja Sjá himins opnast hlið en það lag kunna fáir utanbókar og því var þetta góð skipting.

Eftir tónleikana var haldið í vinnugleði þar sem jólagjafir voru afhentar og þar sem ég hélt áfram að syngja og skemmti ég mér konunglega með vinnufélögunum og var kominn heim um miðnætti gjörsamlega búinn á því og er þegar þessi færsla er skrifuð enn dauðuppgefinn.

En eigið góða helgi og farið vel með ykkur.

Góð helgi framundan.

Í kvöld fór ég á jólafund Átaks,fengum góðan mat,leynigestir mættu en það voru Bergþór Pálsson,Sigga Beinteins og Grétar Örvarson og tóku þau 2 síðarnefndu 3 lög við góðar undirtektir,Kristján Sigurmundson(Hinn auðskildi eins og ég kalla hann)stóð fyrir fjöldasöng og ég var DJ og spilaði jólalög þegar dauðir tímar komu, þessum skemmtilega fundi sem um 40 manns mættu á þrátt fyrir óveður lauk um klukkan 10.

Á morgunn eru jólatónleikar Fjölmenntar í Grensáskirkju klukkan 6 og þaðan fer ég beint í vinnuna á vinnustaðagleði sem mun standa eitthvað frameftir kvöldi og ætla ég að skemmta mér rækilega við að sjá útlendingana almennilega í því.

Laugardagurinn er ekkert planaður nema um klukkan 9 verður sýndur á Stöð 2 sport El Classico á spáni þegar Barcelona mætir Real Madrid og vonandi fær Eiður að spila og helst að hann byrjaði bara inná enda er þetta með geggjaðri risaleikjum knattspyrnunnar,ekki vegna þess að þetta séu nágrannaslagur heldur er um að ræða mikinn ríg sem á sér rætur til tíma Francos en hann hyglaði Madridingum á kostnað Börsunga auk þess sem Barcelona er frá Katalóníu og þess heldur er þetta forvitnilegur leikur annað kvöld.

Sunnudagurinn er heldur ekkert planaður,bara leti og rólegheit þar sem ég ætla að hlaða batteríin oghorfa á sport allann daginn og hafa það næs.

 

Veit eigi.

Um hvað á ég að blogga næst?

Hef ekki hugmynd.

Prófum það.

Ný skilgreining á því að láta krónuna fljóta en það er mjög einföld aðferð.

Þeir sem vetlingi geta valdið mæti með krónu niður á tjörn og athugum hvort krónan fljóti.

Segi svona.

Empty again.

Hef ekkert að segja af viti þessa stundina,höfuðið þurrausið í augnablikinu en lagast vonandi bráðlega en svona er þetta stundum bara.

Jú eitt sem ég vildi koma að og það er að það er farið að rigna aftur og farið að hlýna en svo frýs aftur,svo hefst hringurinn aftur,snjór,rigning og frost,ég spái gráum jólum hér í Reykjavík en hvítum á landsbygðinni.

Hvað er besta ABBA lagið?KJÓSIÐ.

Geggjuð helgi.

Á föstudagskvöldið fórum við Aileen,Lillý,Kári og Ottó á Rammíslenskt jólahlaðborð og var það mjög gaman og verður örugglega endurtekið að ári en sjáum hvað setur í þeim efnum.

Ég borðaði kanski einum of mikið og endanði á klóinu um nóttina en það var mér að kenna en eftir matinn söng Gylfi Ægisson nokkur laga sinna við góðar undirtektir og keyptum við öll diskinn með honum en hann heitir Perlur Gylfa Ægissonar.

Á laugardagskvöldið var ég í keflavík í innflutningspartýinu hjá Emil og þar einnig vel tekið á því í átinu og var DJ og át vel af matnum og var kominn heim um kl 1 en Beggi keyrði mig heim en Anna kærastan hans var hjá vinkonu sinni í Innri Njarðvík og fór svo með okkur heim.

Í gær var svo afmæli hjá Sigga Andra á Grillhúsinu og enn var vel tekið á því í átinu þannig að ég er búinn að borða fyrir næstu viku(segi svona) en það er alltaf gaman í afmælum Sigga Andra,mikill brandarakall þar á ferðinni.

Vikan fer í vinnu,undirbúning jólanna og jólatónleika skólans sem eru á föstudagskvöldið.

Þetta er það sem hefur verið að gerast hjá mér og er á döfinni.

Meira seinna.

 

 

það er bara það.

Það er hrollvekjandi að horfa út um gluggann og sjá hríðina lemja á glugganum fyrir utan allann kuldafjandann sem þessu veðri fylgir.

Ætli þetta sé fyrsti vísir að jólasnjó?Held ekki,það á eftir að rigna ofan í þetta svo frýs allt aftur,geðslegt ha.

Þannig að Questionið er hvort fáum við hér í Reykjavík og nágrenni,hvít jól,rauð jól eða grá jól?

Hvað haldið þið gott fólk?

Tómur.

Höfuð mitt er þurrausið og því blogga ég ekki nú.
Lofa einhverju bitastæðu seinna.

Munið könnunina á besta ABBA laginu.