07.06.09

Í dag er stefnan tekin í kringluna og keyptir 2 diskar(Paparnir og Ljótu hálfvitarnir) auk þess sem ég ætla að verða mér út um miða á handboltalandsleikina við Noreg og Makedóníu en þessir tveir leikir munu skera úr um hvort Ísland verður með í úrslitakeppni evrópumótsins í handbolta sem fram fer í Austurríki í janúar á næsta ári.

Annars var helgin bara góð,fór að sjá frábært hollenskt landslið vinna okkar menn 2-1 en einhvernvegin fannst manni að hollendingarnir gætu skorað ef þeir nenntu því og vorum við þrælheppnir að vera ekki undir 0-5 í hálfleik en seinni hálfleikur spilaðist eins og hollendingarnir hefðu fulla stjórn á hlutunum.

Einnig var golf og NBA fyrirferðamikið en annars slappaði maður bara af og hlóð batteríin sem maður gerir áfram þessa vikuna áður en íbúðin verður tæmd í næstu viku.

Vikan verður nýtt í að glápa á meiri fótbolta og NBA enda lokaúrslit Lakers og Magic hafin og Lakers 2-0 yfir eftir leikinn í nótt sem Lakers vann 101-96 eftir framlengingu og fékk Orlando liðið tækifæri á að klára leikinn í lok venjulegs leiktíma en tókst ekki.

Er ekki viss um hvað verður með þessa síðu hvort þetta verði sportsíða eða fjalli bara um mig og það sem ég er að gera er hættur að tjá mig um pólitík því aðrir sjá um það en ætla þó að staðhæfa að núverandi ríkisstjórn virðist ekki vera í takti við fólkið í landinu,það sjá aðrir um að sinna pólitískri umræðu hér á blogginu og ég þarf ekki að vera í þeim hópi nema mér verði gróflega misboðið þá mun ég tjá mína skoðun annars láta það ógert.

Annars er það mín skoðun að síðan sé í góðum farvegi eins og hún er.

 

Athugasemdir

[Rósa Aðalsteinsdóttir, 8.6.2009 kl. 20:42]

Sæll og blessaður

Gott að Hollendingar skoruðu ekki meira en það munaði mjóu oft. Þeir tóku okkur í bóndabeygju.

Guð veri með þér og þínum.

Kær kveðja/Rósa