Geggjuð sýning.

Fór í kvöld með konunni og Ottó á ABBA sýninguna í Og Vodafone höllinni á Hlíðarenda og var kjaftfullt út úr dyrum enda sýningin mögnuð og söng fólk með alveg hástöfum og var ég engin undantekning í þeim efnum.

Það sem mér finnst samt alveg skelfileg tilhugsun er sú að þarna var selt áfengi(bjór) og fullt af krökkum í húsinu og maður veltir því óneitanlega fyrir sér hvaða skilaboð sé verið að senda með þeim gjörningi enda ekki viturlegt að mínu mati að selja bjór þar sem börn allt niður í 6-7 ára eru með foreldrum sínum.
Eftir tónleikana tók um hálftíma að komast burt því ljósin fyrir ofan virkuðu ekki og lögreglan mætti ekki fyrr en löngu síðar þó margir hefðu beðið í bílum sínum í langan tíma,ótrúlegur slugsháttur lögreglunnar.

Hljómsveitin heitir Arrival og hefur verið með ABBAshow í 14 vár og er eina bandið í heiminum sem fær að klæðast sömu fötum og ABBA gerðu og voru frabær á sviði og með var gítarleikarinn sem var með ABBA í myndinni The Movie og var geðveikislega góður á gítarinn.

Ég fullyrði að fyrir utan Bítlana að þá eiga ABBA flesta aðdáendur og þar með fleiri en Elvis Presley og hef ég verið á Elvis kvöldum sem hafa verið haldin í litlum húsum en enn hefur ekki verið stofnuð hljómsveit sem tekur bara Presley lög og fyllir hús eins og Og Vodafone höllina,ABBA á glæsilega sögu sem heimsbyggðin hrífst af.

Að endingu vil ég láta koma hér fram að ég er að vinna að skoðanakönnun þar sem fólk getur valið vinsælasta ABBA lagið sitt og læt vita af því síðar.

                                       KV:Korntop

Athugasemdir

[halkatla, 9.11.2008 kl. 04:37]

ekki vera að pæla í því sem er á annarra ábygð

og I kissed the teacher er að sjálfsögðu besta abbalagið en ég fíla ekkert með elvis...

[Jóhanna Magnúsar- og Völudóttir , 9.11.2008 kl. 06:14]

ABBA er ágætur ,,bjargvættur" inn í ástandið.  Ég er nú skotnust í "The Winner Takes it All" en það er kannski ekki alveg að marka. Féll gjörsamlega fyrir því í flutningi Meryl Streep í Mamma Mia!

p.s. svo er ég búin að leggja inn fyrirmæli að það verði spilað "Dancing Queen" í útförinni minni (sem er vonandi ekki á næstu árum).

[Solla Guðjóns, 10.11.2008 kl. 00:57]

Abbalögin eru algert æði....