Erfiður riðill.

Nú fyrr í kvöld var dregið í riðla fyrir evrópumót landsliða í handknattleik sem fram fer í Noregi 17-27 janúar á næsta ári og dróst íslenska liðið með Frökkum,Slóvökum og Svíum og verður þessi riðill spilaður í Þrándheimi og fara að mig minnir 3 lið uppúr riðlinum en þetta er einhver erfiðasti riðillinn í mótinu en þegar litið er á hina riðlana þá megum við bara nokkuð vel við una held ég.

Undirritaður er þegar farinn að velta því alvarlega fyrir sér að fara til Noregs og styðja íslenska liðið en allt er þetta spurning um pening,ég ætlaði líka á HM sem var í Þýskalandi í byrjun þessa árs en maður sá hvergi auglýstar ferðir en nú verða allir tengiliðir notaðir til að þessi ferð kæmist á koppinn en það yrði mín fyrsta handboltaferð síðan ´93 þegar HM var haldið í Svíþjóð en við sjáum hvað setur.

                                             KV:Korntop

 

Athugasemdir

[Georg Eiður Arnarson, 23.6.2007 kl. 07:10]

Sammála erfiður riðill en fyrir þessum liðum getum við bæði unnið alla og tapað fyrir öllum.

[Kristín Katla Árnadóttir, 23.6.2007 kl. 09:38]

Mikið var gaman að lesa vitalið við þig í morgunblaðinu í morgun.

[Jóna Á. Gísladóttir, 23.6.2007 kl. 21:32]

Gott viðtalið við þig Magnús. Þú ert greinilega önnum kafinn maður og til fyrirmyndar að þú skulir starfa svona mikið af félagsmálum fyrir fatlaða.

[Rúna Guðfinnsdóttir, 23.6.2007 kl. 21:40]

Virkilega gaman að lesa viðtalið. Gaman hvað þú ert duglegur og gefur mikið af þér til samfélagsins.

Af því að þú minntist á litla skólagöngu í viðtalinu þá langar mig að minnast   á hversu góða stafsetningarkunnáttu þú hefur. Ég held ég hafi varla séð neina villu í blogginu þínu

[Anna Ólafsdóttir (anno) (IP-tala skráð) 23.6.2007 kl. 22:49]

Svíar eiga harma að hefna og Frakkarnir! Úff!! þetta getur orðið erfitt! En mér fannst það góður punktur hjá honum Óla Stef þegar hann talaðium að það ætti ekki að vera markmið að komast í milliriðil, þeir sem ekki stefna einu sinni á tindinn eru nú ekki líklegir til mikilla afeka - eða hvað?

[Magnús Paul Korntop, 24.6.2007 kl. 00:13]

Sæll Georg:
Já þetta verður dúndurriðill en við höfum unnið Svía og Frakka  á s.l ári og því ekki aftur.

Sæl kristín:
Takk fyrir það vinan,líkur til að þau verði fleiri á næstu vikum og mánuðum.

Sæl Jóna:
Já félagsmál ýmiskonar eru mér hugleikinn hvort sem það er stjórnarseta hjá handknattleiksdeild ÍR eða ÁTAK,nú skilst mér að þú eigir einhverfan son og ef ég yrði beðinn um að vinna fyrir einhverfa í einhverri mynd þá myndi ég líka gera það því fatlaðir eru líka fólk.

Sæl Rúna:Það var bara ekki hægt að koma því fyrir í viðtalinu en ég gekk í fornámm og svo í FB á íþróttabraut en hætti vegna tíðra kennaraverkfalla,stafsetningarkunnátta hefur alltaf verið mjög mikil hjá mér.

Sæl Anna:
Við tökum ÓLA bara á orðinu og vinnum þetta mót.