Helgin og hugsanleg viðbót á síðunni.

Helgin var fín,á föstudagskvöldið keypti ég nokkur lög í gegnum tonlist .is með konunni,á laugardagskvöldið var skólanefndarfundur gamalla nemenda Öskjuhlíðarskóla og borðuðum pizzur á eftir en þessi nefnd er mjög samstíga í að gera vel enda tók nefndin sér það bessaleyfi að starfa út næsta ár en hún hefði átt að skila af sér í janúar en þar sem nefndin sá enga arftaka þá viljum við frekar bæta við okkur ári heldur en að það góða starf sem hefur verið gert lognist út af.

Á sunnudaginn var leikur ÍR og Akureyrar í bikarkeppni HSÍ(pistill um hann hér fyrir neðan)og mætti ég vopnaður penna til að skrifa statistik um leikinn en um 10 mín fyrir leik kom í ljós að kynnirinn myndi ekki mæta og var ég beðinn um að kynna hann sem ég gerði að sjálfsögðu og gerði því hvort tveggja kynna leikinn og skrifa statistikina og gekk bara mjög vel.

Um kvöldið horfði ég á stórleikinn í NFL deildinni þegar Indianappolis colts tóku á móti New England Patriots en þessi lið voru ósigruð eftir 7 umferðir svo eitthvað varð undan að láta og sigruðu Patriots 24-20 í frábærum leik en þarna mættust einnig bestu leikstjórnendur deildarinnar þeir Payton Manning stjórnandi Colts og Tom Brady stjórnandi Patriots enda skemmti ég mér konunglega.

Í gærkvöldi var ég aftur kominn í Austurbergið og nú til að kynna leik ÍR 2 og Hauka og lauk skemmtilegum leik með 10 marka sigri Hauka 26-36 og getum við bara vel við unað því ÍR 2 var skipað 2 flokksstrákum styrktum af Old boys leikmönnum og var gaman að sjá baráttu þeirra gegn Úrvalsdeildarliðinu,eftir leik sótti Siggi vinur minn mig og fórum heim að skiptast á lögum og eigum við hvor um sig um 10000 lög í tölvum okkar.

Í dag var einkatími og hljómsveitaræfing og ákvað ég að syngja lagið Einmanna á jólanótt(sem Diddú söng hér um árið) á jólatónfundi skólans 26 nóv kom svo heim og horfði á Liverpool og Besiktas og sigruðu Liverpool 8-0 og sá ég 6 af þessum mörkum,alveg hreint magnaður og ótrúlegur leikur.

Er að spá í að vera með meira íþróttaefni á síðunni enda er draumurinn að gerast íþróttafréttamaður á dagblaði og ekki verra að æfa sig einnig er á döfinni að kynna fyrir ykkur NFL deildina og út á hvað þessi skemmtilegi leikur gengur út á.

Undanfarið hefur fólk sem þekkir mig hvatt mig til vera hvassari í málum sem tengjast öryrkjum og þeim sem minna mega sín en einnig finnst sumun ég ekki þora að ræða mál eins og femínisma og virkjunum,því er til að svara að skoðanir mínar og femínista eiga ekki samleið og mun ég blogga um það síðar,hvað virkjanir varðar þá er ég á móti Kárahnjúkavirkjun en það er bara ekkert hægt að gera í því núna,en einnig er ég andvígur Norðlingaölduveitu í neðri hluta Þjórsár og bara á móti náttúruspjöllum af manna völdum yfirleytt og hef ég tekið þá ákvörðun að taka hér fyrir mál eins og virkjanir,femínisma,hvalveiðar,samkynhneygða,fátækt og margt fleira en læt þessu lokið að sinni.
               Farið varlega-Meira síðar-KV:Korntop

Athugasemdir

[Rúna Guðfinnsdóttir, 7.11.2007 kl. 09:44]

Ég sé að þú hefur ansi mikinn slatta að gera. Svo má ég til með að láta vita að ég þoli ekki  íþróttir (nema körfubolta) og er orðin hundleið á femínistum og Kárahnjúkum. Ég er fyrir löngu búin að reyna að skilja og er því hætt að fylgjast með öllu, þessum virkjanamálum öllum

Mér finnst gaman að lesa færslurnar þínar..ég fer bara fljótt yfir sögu ef það eru íþróttafréttir  í færslunni þinni.

Gangi þér allt í haginn

[Björn E (IP-tala skráð) 7.11.2007 kl. 10:00]

Sæll Magnús;Rakst á þessa síðu af tilviljun og mér þykir þetta töff síða og líflegt blogg,líst vel á að þú verðir hvassari í ýmsum málum,að mínu mati eru femínistar mannskemmandi,sívælandi og stjórnsamur þjóðfélagshópur en það er bara mín skoðun,kjör þeirra sem minna mega sín á skilyrðislaust að bæta og það verulega.
Gangi þér vel með þessa frábæru síðu og ég mun koma reglulega hér og lesa.

[Magnús Paul Korntop, 7.11.2007 kl. 10:10]

Sæl Rúna:
Íþróttafréttir er bara eins og annað,sumir hafa áhuga,aðrir ekki,hvað femínista og virkjanir varðar þá vísa ég í færsluna.

Gangi þér sömuleiðis allt í haginn.

Sæll Björn:

Þakka gott hrós fyrir síðu,femínistar eru kanski ekki mannskemmandi en hugmyndafræði mín og þeirra fer bara ekki saman,svo einfalt er það.
Sammála því að lægstu laun á að hækka og það mikið,já ég mub verða hvassari í málum en hingað til,hef haldið mig við ákveðin mörk en ég má alveg málefnanlegri og hvassari og veit það vel og það mun ég gera,komdu hér sem oftast Björn.

[Magnús Paul Korntop, 7.11.2007 kl. 10:13]

Sæl heiða Björk Fjöryrki:

Nei vinan,mér leiðist ekki enda nóg af málum til að skrifa um.

[Rúna Guðfinnsdóttir, 7.11.2007 kl. 10:40]

Þú segir það satt Magnús. Meðan ég ég lifi fyrir að vera með fiðruðu félögunum  mínum eru aðrir  sinna sínum allt allt öðruvísi áhugamálum.

Svo vildi ég segja eins og Björn, mér finnst síðan er upplífgandi og ögrandi í senn. Haltu svo  áfram að skrifa, það eru alltaf einhverjar kerlingar og kallar sem sem þola ekki opinská skrif.

Aftur kveðjur til þín.

[Magnús Paul Korntop, 7.11.2007 kl. 10:57]

Sæl Rúna:

Ég mun halda áfram að skrifa um það sem mig langar hverju sinni og ef einhverjir þola ekki þau skrif þá verður svo að vera,það er þá þeirra höfuðverkur en ekki minn.

Bestu kveðjur aftur.

[Rúna Guðfinnsdóttir, 7.11.2007 kl. 11:12]

Það er sko alger óþarfi að fá höfuðverk útaf einhverjum færslum sem kannski falla illa í kramið hjá sumum. Tökum sem dæmi um t.d. mig!  Mér dettur ekki í hug að lesa íþróttafréttir ef þær valda mér höfuðverk. Svo einfalt er það Magnús minn.

[Magnús Paul Korntop, 7.11.2007 kl. 12:22]

Jamm.

[Helga Dóra, 7.11.2007 kl. 14:03]

Ef við "minnihutafólkið" hvort sem það séu öryrkjar, hommar , lessur, svartir eða gulir segjum ekki okkar skoðanir og okkar reynslu þá veit enginn hvernig er að vera við og þá verður engu breytt í okkar málum. Látum í okkur heyra, eins mikið og hátt og við treystum okkur hverju sinni.

[Rúna Guðfinnsdóttir, 7.11.2007 kl. 14:31]

Heyr heyr Helga Dóra

[Magnús Paul Korntop, 7.11.2007 kl. 16:39]

Get ekki verið meira sammála og það verður m.a gert á þessari síðu eða eins og við félagar í Átaki(félag fólks með þroskahömlun)segjum:Ef við berjumst ekki fyrir okkar málum sjálf hver gerir það þá?

[Ásdís Sigurðardóttir, 7.11.2007 kl. 23:30]

Það er greinilega alltaf nóg að gera hjá þér strákur.  Duglegur ertu, annað en ég ruslan, liggjandi heima meira og minna alla daga.  Hafðu það gott gamli minn.

[Magnús Paul Korntop, 7.11.2007 kl. 23:46]

Já Ásdís mín,hér á þessu bloggi er nóg að gera og engin lognmolla,komdu þér á skrið gamla mín  og láttu í þér heyra.

[Emil Ólafsson (IP-tala skráð) 8.11.2007 kl. 14:44]

Hæ Maggi.

Hlakka til að lesa bloggið hjá þér um þessi nauðsynlegu málefni. Haltu áfram að blogga svona vel eins og þú  hefur gert.

Kveðja

Emil 

[Birna Dis Vilbertsdóttir (IP-tala skráð) 8.11.2007 kl. 15:52]

Þú ert duglegur í félagsmálunum Maggi. Gott hjá þér. Góð skrifin þín um öryrkja og búsetu fatlaðra.

[Magnús Paul Korntop, 8.11.2007 kl. 16:31]

Takk fyrir það Arna,Emil og Birna,meira um öryrkja fljótlega ásamt öðrum hitamálum.

[halkatla, 8.11.2007 kl. 19:25]

þetta eru góð plön (allt nema íþróttirnar en þær eru bara ekki á radarnum hjá mér) svo ég segi bara gangi þér vel!

[Magnús Paul Korntop, 8.11.2007 kl. 19:39]

Anna karen:

Það hafa ekki allir áhuga á íþróttum,þannig er það nú bara einu sinni en það eru líka önnur mál en sport hérna.

[Jón Halldór Guðmundsson, 8.11.2007 kl. 20:38]

Það er greinilega haugur að gera hjá þér maður.

Gangi þér áfram svona vel.

Flott hjá þér. 

[Magnús Paul Korntop, 8.11.2007 kl. 21:18]

Takk Jón Halldór,nóg að gera næstu daga.