Góður leikur þrátt fyrir tap.

Í dag léku topplið 1 deildar ÍR og Úrvalsdeildarlið Akureyrar í 16 liða úrslitum Eimskipsbikarkeppni HSÍ og var ljóst strax í upphafi að á brattann yrði að sækja fyrir okkur ÍR-inga enda voru gestirnir með töglin og hagdirnar frá upphafi og leiddu allann leikinn en 3 leikmenn vantaði í ÍR liðið vegna meiðsla og munaði um minna fyrir svo fámennann en unga hóp sem í ÍR liðinu er.

Í fyrri hálfleik leiddu gestirnir með 1-2 mörkum lengst af en mestur var munurinn 4 mörk 7-11 en í leikhléi var staðan 9-11 gestunum í vil en bæði lið gerðu sig sek um byrjendamistök auk þess sem víti fór forgörðum og var barátta ÍR til fyrirmyndar í fyrrir hálfleik.

Í byrjun seinni hálfleiks skiptu Akureyringar um gír og breyttu stöðunni á fyrstu 10 mínútum hálfleiksins úr 9-11 í 11-18 og má í raun segja að með þessum kafla hafi dagskránni verið lokið en ÍR gerði vel í að koma til baka og hefði í raun ekki þurft mikla heppni til að knýja fram framlengingu en til þess var munurinn einfaldlega of mikill og andstæðingurinn of sterkur,margt gott var þó í leik ÍR mikil barátta en greinilegt í sókninni að það munaði um Binna og Óla Síkó en enn og aftur eru menn ekki að skila varnarvinnunni nægilega vel
og í byrjun seinni hálfleiks var vörnin eins og vængjahurð og ljóst að Elli þjálfari verður að koma skikki á varnarleikinn fyrir næsta leik sem er toppslagur gegn FH n.k föstudag í Kaplakrika.

Um frammistöðuna er það helst að segja að hún er viðunandi en menn geta gert betur og vita það,sóknarleikurinn var samt fulltilviljanakenndur að mínu mati og menn voru að taka ótímabær skot í tíma og ótíma,aðallega ótíma og voru mörg skotanna full auðveld fyrir markvörð gestanna en góð tilþrif sáust þó inn á milli en menn verða að gefa sér tíma í sókninni og láta boltann vinna fyrir sig,í vörninni vantaði oft talanda og þegar hann vantar er ekki von á góðum varnarleik en að fá ekki á sig nema 24 mörk gegn þessu Akureyrarliði segir mér meira en mörg orð um hugmyndaleysið í þessu Akureyraliði.

Hinn ungi Lárus Ólafson stóð í markinu allann tímann og varði 16 skot þar af 1 vítakast og er þarna á ferðinni framtíðarmarkvörður ÍR ef rétt verður haldið á spilunum en að mínu mati hefur ÍR ekki átt alvöru markvörð síðan Hrafn Margeirson(Hrappurinn)stóð á milli stanganna í marki ÍR.

Akureyrarliðið lék vel í 10 mínútur í seinni hálfleik sem gerðu út um leikinn en miðað við spilamennsku þeirra í dag þá er ég ekki hissa á stöðu þeirra í Úrvalsdeildinni.

Dómarar leiksins voru þeir Ingvar Guðjónson og Jónas Elíason og gerðu sín mistök þau bitnuðu jafnt á báðum liðum.

Ég vil biðja þá ÍR-inga sem þetta lesa að commenta og segja mér hvað má betur fara því svona greinar eru ekki gallalausar og góð ráð skemma ekki en þessir pistlar eru hvernig ég upplifði leikinn og ekki víst að allir séu mér sammála,ég vil einnig minna á að annað kvöld kl 18´45 verður leikur ÍR 2 og aðalliðs Hauka í Austurbergi og vil ég hvetja alla ÍR-inga til að mæta og sjá gömlu stjörnurnar í leik.

Mörk ÍR:Davíð 8.Kristmann 5,Bjartur 4,Hjörleifur 2,Ísleifur 2,Óli Sigurgeirs 1.
Varin skot:Lárus Ólafson 16(1víti)

                           KV:Korntop

Athugasemdir

[Gunnar Jóhannsson (IP-tala skráð) 5.11.2007 kl. 11:13]

Mér þykir þú fljótur að gleyma Hreiðari og Óla Gísla. Með þetta markmannapar átti ÍR besta par deildarinnar fyrr og síðar að mínu mati.

[Magnús Paul Korntop, 5.11.2007 kl. 12:52]

Já,Hreiðar og Óli Gísla voru gott par og jájá besta markvarðapar frá upphafi en Hrappurinn setti standardinn og við það miða ég.

[Einar Bragi Bragason., 5.11.2007 kl. 22:06]

þú ert snillingur í að lýsa leikjum

[Magnús Paul Korntop, 5.11.2007 kl. 23:04]

Takk Einar.

[Binni (IP-tala skráð) 5.11.2007 kl. 23:20]

Þetta er rosa flott hjá þér  Maggi og gott framtak hjá þér fyrir okkur íringana

k v Brynjar steinarsson

[Magnús Paul Korntop, 5.11.2007 kl. 23:50]

Takk Binni,þetta er líka svo skemmtilegt starf.

[Kristín Katla Árnadóttir, 6.11.2007 kl. 11:40]

Kveðja.

[Emil Ólafsson (IP-tala skráð) 6.11.2007 kl. 11:54]

Flott hjá þér að skrifa svona um ÍR-leikina Maggi þá getum við Valsarnir fylgst með ykkur. Þið munuð koma upp aftur og verða skæðir andstæðingar á ný.

Bestu kveðjur

Emil 

[Magnús Paul Korntop, 6.11.2007 kl. 13:20]

Þetta er byrjunin á íþróttafréttamaannsferlinum.