Ég er á móti stríðsrekstri.

Ég vil vegna færslunnar um Myanmar(Búrma)koma á framfæri eftirfarandi:

Það sem ég átti við er að Myanmar er spilltasta land í heimi samkvæmt ÖLLUM könnunum og mannréttindi fótum troðin,ég er þeirrar skoðunnar að refsiaðgerðir Bandaríkjanna eða SÞ skili engu,herforingjastjórnin undir stjórn Than Shwe fer sínu fram eftir sem áður og setur Aung San Suu kyi í stofufangelsi til að hún spilli ekki fyrir en að mínu mati er hún rétt kjörin sigurvegari í seinustu kosningum þar í landi en herforingjunum líkaði ekki úrslitin og settu hana í stofufangelsi.

Nú nýverið efndu munkar til fjöldamótmæla  í Yangoon(áður Rangoon)höfuðborg Myanmar en eftir nokkra daga gekk her og lögregla milli bols og höfuðs á mótmælendum og sögðust ekki líða neitt andóf.

Síðan gerist það að sendifulltrúi Sameinuðu þjóðanna(Ibrahim Ghambiri)fer til landsins og ræðir við leiðtoga stjórnarandstöðunnar í tvígang og þess á milli við Than Shwe sem samþykkir fund með Suu Kyi en með þeim skilyrðum þó að hún samþykki ekki refsiaðgerðir og láti af andófi gegn stjórnvöldum,enginn veit hvenær þessi fundur verður.

Ég stakk upp á því að Bandaríkin réðust inn í landið til að koma herforingjastjórninni frá og koma stjórnarandstöðunni að og taldi og tel enn að þeir geti það fyrst þeir réðust inn í Afghanistan og Írak án sýnilegs árangurs en ljóst er að það verður að koma hernum frá völdum í Myanmar með einhverjum hætti.

Ég er algerlega á móti stríði hvort sem það sé í Írak,Afghanistan eða annarsstaðar og fordæmi allt slíkt en kaninn blessaður er nú þannig þenkjandi að skipta sér af mannréttindum annarsstaðar en gleyma sínum eigin þegnum en leikur alheimslögreglu þegar það á við.

Mannréttindarbrot hvar þau eru framin verður að stöðva sama hvað það kostar en innrás erlendra herja í Myanmar á að vera algert neyðarúrræði.

það sjá allir sem það vilja sjá að stríðið í Írak hefur gersamlega mistekist og ætti að kenna George Bush og hans líkum að ráðast ekki inn í önnur lönd nema hafa einhverjar haldbærar sannanir fyrir eins og í þessu tilfelli gereyðingarvopnum og þó hafði Hans Blix farið nokkrar ferðir til Íraks til að skoða og var viss um að ekkert var af vopnum,ég held að aðalástæðan fyrir þessari innrás hafi verið að komast yfir olíuna sem þarna er.

Ég vona að ástandið í Myanmar lagist og friðsamleg lausn finnist sem allra fyrst en semsagt ég fordæmi allann stríðsrekstur í heiminum og vonast eftir að þjóðir heims geti lifað saman í sátt og samlyndi.

En nú er mál að linni-meira síðar.
                                        KV:Korntop