Áfram Ísland.

Þá er orðið öruggt að íslenska handboltalandsliðið er komið í úrslit evrópumótsins í handknattleik sem haldin verður í Noregi í janúar á næsta ári.

Byrjunin í kvöld einkendist af mikilli taugaveiklun íslenska liðsins og leiddu serbar í byrjun og komust í 4-7,en þá komu 4 íslensk mörk í röð og staðan 8-7 og eftir það leiddi íslenska liðið og staðan í leikhléi 24-22,já mikið skorað í fyrri hálfleik enda engin varnarleikur.

Í síðari hálfleik kom smá varnarleikur hjá strákunum og þá kom smá markvarsla með og sóknin hélt áfram að vera góð en mikil spenna var á lokamínútunum og gerðu serbarnir allt sem þeir gátu til að minka bilið og komast áfram en það tókst hinsvegar ekki og íslenska liðið vann nauman en góðan sigur.

Leikur íslenska liðsins hefur oft verið betri sérstaklega í vörninni en hún var eins og vængjahurð nær allann leikinn og markvarslan var þar af leiðandi engin,serbneska liðið lék nú mun betur en í fyrri leiknum en mér finnst of mikið að sjá þetta lið skora 40 mörk til þess er þetta lið ekki nægilega gott en bæði liðin héldu áhorfendum í spennitreyju leikinn út í gegn.

Að lokum verður að minnast á stemminguna sem var gríðarleg og var það ekki síst fyir tilstuðlan okkar áhorfendanna sem fleytti íslenska liðinu yfir erfiða hjalla í þessum leik,hef ég aldrei verið á landsleik á íslandi þar sem viðlíka stemming var eins og í kvöld enda er ég alveg raddlaus,en semsagt Ísland er komið á EM 2008 og það er fyrir öllu.

Nú er bara að skella sér til Noregs á þessa keppni.´
                                        ÁFRAM ÍSLAND.
                                                   KV:Korntop