Skynsamleg lausn.

Sælir bloggvinir og lesendur góðir,þá er komin lausn varðandi sambandsslitin hjá okkur Dagbjörtu en þeir sem lásu fyrra blogg mitt um þetta mál og vita málavexti varðandi veikindi hennar og ætla ég ekki að endurtaka það hér en fyrir þá sem vilja kynna sér þetta mál bendi ég á að lesa umrætt blogg.

En við hittumst semsagt á BK og ræddum málin og ákváðum að vera ofboðslega góðir vinir og standa saman sem við höfum alltaf gert,við breytum í raun engu nema hringarnir verða teknir af og trúlofum slitið en ætlum að halda áfram í sterku vinasambandi/ígildi kærustupars en hún vill sjá mig hamingjusaman þannig að ef ég finn mér aðra kærustu þá bakkar hún mig upp í því,hún hefur hinsvegar sagt að hún byrji ekki með öðrum karlmanni en veikindi hennar eru mjög mikil og númer 1 er að veita henni alla þá hjálp sem til er.

Okkur Dagbjörtu þykir ofboðslega vænt hvort um annað og ljóst að hún gerir þetta ekki með neinni gleði en ekki er við öllu séð þar sem veikindin setja henni þröngar skorður.
Ég vil henni allt hið besta og því komumst við að þessari skynsamlegu niðurstöðu að vera góðir vinir ganga saman í gegnum súrt og sætt,einnig munu vinir okkar berjast með henni þannig að samstaðan er mikil í vinahópnum og það er fyrir öllu,eruð þið ekki á sömu skoðun bloggvinir og lesendur góðir?
                                      KV:Korntop
                                                                                                      

Athugasemdir

[Rúna Guðfinnsdóttir, 14.6.2007 kl. 02:04]

Þetta er vel mælt Korntop og vissulega ykkur báðum fyrir bestu. Þá getur þú líka stutt hana með ráðum og dáð. Góður vinskapur er gulli betri.

[Ester Sveinbjarnardóttir, 14.6.2007 kl. 07:43]

Það er mikilvægt fyrir fólk að geta hjálpað vinum sínum þegar þeir eiga í erfiðleikum, það sem þið eruð að gera sýnir mikinn þroska og kærleika.

[Ingibjörg Hinriksdóttir, 14.6.2007 kl. 09:48]

Fallega mælt Korntop.  Gangi ykkur báðum sem best í öllu því sem þið takið ykkur fyrir hendur. Mundu líka að "þeir sem flytja sólskinið til annarra, geta ekki komist hjá því að það skíni á þá sjálfa."

[Ólafía Ingibjörg Sverrisdóttir, 14.6.2007 kl. 10:25]

flott hja ykkur nu lyst mer á ykkur

[Kristín Katla Árnadóttir, 14.6.2007 kl. 11:16]

Fallega mælt gangi þér og vinkonu þinni vel.

[Svana (IP-tala skráð) 14.6.2007 kl. 11:33]

Maggi þið eruð bæði mjög skinsöm og gott fólk

[Ásthildur Cesil Þórðardóttir, 14.6.2007 kl. 17:47]

Aldeilis bara mjög gott.  Og þetta er auðvitað besta lausnin.  Veikindi er bara ástand, en samband eru raunverulegt.  þannig að ef ykkur tekst að þróa vináttuna, veit enginn hvert hún leiðir ykkur tvö.  Gangi ykkur báðum vel elskulegur

[Vilborg Traustadóttir, 14.6.2007 kl. 19:09]

Til hamingju með þetta bæði tvö og góðar óskir héðan.  Það er léttir að finna sameiginlega lausn.  Hnýta lausa enda og horfa fram á veginn.  Einn dag í einu.  Dagurinn í gær er liðinn og við fáum honum ekki breytt. Dagurinn á morgun er ókomin og við vitum ekki hvað hann ber í skauti sér.  Dagurinn í dag er hins vegar sá dagur sem öllu skiptir.  Förum vel með hann og lifum í sátt.