Annríki.

Dagurinn í gær var annasamur svo ekki sé nú meira sagt,byrjaði á að fara á fund hjá stjórn Listar án landamæra þar sem rætt var um nýliðna listahátíð og hvernig til hefði tekist.

Fór þaðan í Kringluna að borga reikninga og kaupa diska auk þess sem ég borgaði SÝN og keypti mér inneign í símann minn fór svo og verslaði svolítið í Bónus og tók svo leigubíl heim.

Í gærkvöldi hringdi svo mamma Dagbjartar í mig og ræddi við mig um ýmislegt sem snýr að Dagbjörtu, einnig ræddum við það sem ég bloggaði um hana á þessari síðu og kom það í ljós að hún var mér sammála í öllum tilfellum nema einu,skilnaður okkar Dagbjartar er ekki endanlegur en við munum ræða saman við tækifæri og finna lausn á þessu og við finnum hana sannið til en þið fáið að vita fyrst af öllum hvað kemur út úr þessu.

Einnig gerðist það að Emil Tölvutryllir fékk húsnæði í höfuðborginni og óska ég honum innilega til hamingju en allann daginn í gær var hann að fara yfirum af stressi sem losnaði um 10 leytið í gærkvöldi, ætlum við að kíkja í sund á fimmtudaginn.

Í dag ætla ég bara að chilla og vera í tölvunni enda rigningarsuddi úti og ekkert gaman að fara út í þetta veður en í kvöld er það svo stjórnarfundur í handboltadeild ÍR annars er það bara letin sem mun ráða ríkjum hjá mér mestmegnis í dag.

En nóg í bili,blogga meira síðar hafið það gott elskurnar og gerið allt sem ég myndi gera.
                              KV:Korntop

Athugasemdir

[Kristín Katla Árnadóttir, 5.6.2007 kl. 20:24]

Vonandi gengur vel í þínum málum Magnús minn.