Glæsilegur íslenskur sigur.

      28-36

Já loksins kom að því að íslenska liðið ynni leik í milliriðli á EM í Noregi.

Allt annað var að sjá til íslensku strákanna í þessum leik og leikgleðin skein af mönnum og þó að ungverjar kæmust í 4-8 þá gáfust íslensku strákarnir ekki upp og jöfnuðu 12-12 og það sem eftir  lifði fyrri hálfleiks var jafnt með liðunum og í hálfleik var staðan 16-16.

Í seinni hálfleik kom íslenska liðið vel stemmt til leiks og fljótlega var staðan orðin 26-20 okkur í vil og á þessum kafla varði Hreiðar Guðmundson eins og berserkur og varði oft maður gegn manni auk þess sem skynsamur sóknarleikur var í hávegum hafður þar sem færin voru vel nýtt og var oft gaman að sjá strákana berjast allann leikinn.

Íslenska liðið var mjög gott í þessum leik en ég verð þó að taka út Snorra Stein Guðjónson sem "reis upp frá dauðum"eins og Lazarus forðum daga en hann skoraði 11 mörk í leiknum þar af 8 í fyrri hálfleik og svo Hreiðar Leví Guðmundson sem varði um 16 skot í leiknum þar af mörg úr dauðafærum en allt liðið á hrós skilið fyrir þennann leik og hefur að sumu leyti bjargað stoltinu með þessum sigri og með svona leik þá hljóta möguleikar okkar gegn spánverjum að nokkuð góðir en eftir úrslit dagsins eiga spánverjar ekki lengur möguleika á sæti í undanúrslitum og því möguleiki á því að spánverjarnir komi værukærir til leiks en með sigri á morgunn og sigri frakkar ungverja leika íslensku strákarnir um 7 sæti sem verður mun betra en líkur voru á en ef við töpum þá verður spilað um 11 sæti.

Leikur íslands og spánar hefst á morgunn kl 14´20 á RÚV.

                      ÁFRAM ÍSLAND

                      Með handboltakveðju.
                         Korntop

Athugasemdir

[Ásdís Sigurðardóttir, 23.1.2008 kl. 21:38]

Frábær frammistaða, ég er ánægð núna.  Vona svo bara að allt gangi vel í næsta leik.

[Rósa Aðalsteinsdóttir, 24.1.2008 kl. 00:34]

Sæll Magnús. Fall er fararheill og nú hafa strákarnir mætt í glimrandi stuði og þeir sýndu hvað í þeim býr. Við vitum allt um það en lífið er nú bara svona, skyn og skúrir. Áfram Ísland.