Góð helgi.

Á sunnudag hófst 1 deildin í handbolta og fengum við ÍR-ingar ÍBV í heimsókn og sigruðum með 3gja marka mun 34-31 í leik sem var fullur af mistökum eins og eðlilegt er í fyrstu umferðunum en þó er það mitt mat að ÍR verður í uppbyggingarstarfi þetta tímabilið og kanski næsta því liðið er geysiungt að árum og mjög efnilegt,ég var kynnir á leiknum og var mjög ryðgaður enda nýir leikmenn í okkar liði og leikskýrslan ekki vel læsileg en það er barsta ég og minn feill.

Á laugardaginn var Átak 15 ára og héldum við ráðstefnu á Grandhótel þar sem fluttir voru fyrirlestrar um sögu Átaks,h"Hvers vegna stofnuðum við Átak?",framtíðarsýn félagsins,diplomanám ofl.

Ég var fundarstjóri fyrir hádegi fyrir hádegi,en Freyja Haraldsdóttir tók við eftir hádegið,gekk þessi ráðstefna mjög vel.

Um kvöldið var svo ball á sama stað þar sem þríréttaður kvöldverður var á boðstólum auk skemmtiatriða,en fyrstur kom Páll Óskar og var með show í hálftíma,svo kom Dúó Aileenar og Ágústu með eitt lag,svo var það öldungaráðið(ég og Björgvin)með eitt lag og svo kom Rokkarinn Rúni Júl og tók 3 lög eins og honum einum er lagið.

Að þessu loknu steig bandið mitt á svið og spiluðum í um 1 klst og svo kom Plútó á eftir okkur með nokkur lög var þessu lokið uppúr miðnætti og fóru þá allir heim þó við sem að þessu stóðum værum orðin ansi slæpt enda verið að síðan um morguninn.

Í gær var svo eðlilega legið í leti og sofið enda mjög þreyttur eftir helgina en án hennar hefði ég ekki viljað vera en mestu af hvíldinni eyddi ég við að horfa á Ryder cup í golfi þar sem Bandaríkin unnu lið Evrópu 16 1/2-11 1/2 á Valhalla golfvellinum í Louisville í Kentucky.

Nú skal haldið til vinnu í fyrsta sinn í heila viku en verkefnaleysi hefur verið í gangi hjá mér en vonandi fer því nú að ljúka.

                               Kveð að sinni,KV:Korntop

Athugasemdir

[Rúna Guðfinnsdóttir, 22.9.2008 kl. 12:02]

Mikið er gaman að heyra að allt gekk eins og í sögu.  Ég er viss um að það hefur verið mikið gaman og mikið fjör.

 Bestu kveðjur af Ströndinni sunnan megin!

[Jórunn Sigurbergsdóttir , 22.9.2008 kl. 19:51]

Þetta hefur verið frábær helgi hjá þér heyri ég og þú hafðir mikið að gera.

[Guðrún Þóra Hjaltadóttir, 22.9.2008 kl. 23:29]

Góður, gott að þú ert komin með verk......